පුස්සැල්ලාව පොලිස් ස්ථානයේ සිරමැදිරියක් තුළදී සැකකරුවෙකු සිය දිවි හානි කර ගැනීමේ සිද්ධිය මුල් කර ගනිමින් ප්‍රදේශවාසින් අද(18) දහවල් සිට නුවර - නුවරඑළිය ප්‍රධාන මාර්ගය අවහිර කරමින් උද්ඝෝෂණයක නිරත වුණි.
මේ හේතුවෙන් එම මාර්ගයේ ගමනා ගමන කටයුතුවලට ද බාධා එල්ල වී තිබුණි.
විරෝධතාකරුවන් සිටි ස්ථානයට පැමිණි අමාත්‍ය පලනි දිගම්බරන් මහතා ප්‍රකාශ කර ඇත්තේ සිද්ධිය සම්බන්ධයෙන් සාධාරණ පරීක්ෂණයක් පවත්වන ලෙස පොලිස්පතිවරයාගෙන් ඉල්ලීමක් කරන බවයි.
ඒ අනුව සිද්ධිය සම්බන්ධයෙන් විමර්ශන සිදු කරන තෙක් පුස්සැල්ලාව පොලිස් ස්ථානාධිපතිවරයාට තාවකාලික ස්ථාන මාරුවක් ලබා දෙන ලෙස අමාත්‍යවරයා පොලිස්පතිවරයාගෙන් ඉල්ලීමක් කර තිබේ.
No comments:
Post a Comment