හම්බන්තොට තරුණයා අතුරුදන් වුණාද? පොලිසිය අතුරුදන් කළාද?

පසුගිය  පස් වෙනිදා පස්වරුවේ  හම්බන්තොට පොලිසිය මගින් වී සොරකමක් සම්බන්ධයෙන් සැක පිට අත්අඩංගුවට පත් තරුණයන් තිදෙනෙකුගෙන් එක් අයෙකු එදින සිට මේ වන තෙක් සතියක් තිස්සේ අතුරුදහන් වී ඇත.
ප‍්‍රදේශයේ පුද්ගලික වී ගබඩාවකින් වී මළු 12ක් සොරකම් කළා යයි සැකපිට හම්බන්තොට පොලීසිය මගින් 19,20 හා 25 හැවිරිදි වියේ පසුවූ බඳගිරිය වැලිගත්ත ප‍්‍රදේශයේ පදිංචි මේ තරුණයත් තිදෙනා අත්අඩංගුවට ගෙන තිබේ.
මේ අය අතරින් අතුරුදන්ව ඇත්තේ ජී.ජී. ගයාෂාන් නමැති 20 හැවිරිදි වියේ තරුණයාය. මේ තරුණයන් තිදෙනාගෙන් එක් අයෙකු පොලිස් නිලධාරියෙකුගේ පුතෙකු බවද පැවසෙන අතර අතුරුදන් තරුණයා සොරකම සිදුවූ බව කියන මෝලට මීටර් සියයක පමණ දුරින් පිහිටි නිවසක 
වාසය කරන්නෙකි.