මූල්‍ය විශුද්ධිකරණය චෝදනා යටතේ රක්ෂිත බන්ධනාගාර ගතකර ඇති ලුතිනන් යෝෂිත රාජපක්ෂගේ නාවික හමුදා සේවය අත්හිටුවීමට ආරක්ෂක අමාත්‍යංශය විසින් පියවර ගෙන ඇතැයි වාර්තා වේ.
යෝෂිත රාජපක්ෂ පිළිබඳව කරගෙන යනු ලබන පරීක්ෂණ ස්වාධීනව සිදුකිරීම සඳහා මෙලෙස සේවය අත්හිටුවන ලෙස පොලිස් මූල්‍ය අපරාධ කොට්ඨාසය විසින් සිදු කළ ඉල්ලීමකට අනුව මෙම පියවර ගෙන ඇත.
මෙම තීරණයට අනුව 2016 පෙබරවාරි 28 වන දින සිට බලපැවැත්වෙන ලෙස මෙම සේවය අත්හිටුවා, ඔහුගේ වැටුප් හා දීමනාද නැවැත්වීමට පියවර ගෙන ඇත.
එසේම නාවික හමුදා මූලස්ථානයේ අවසරයකින් තොරව මින් ඉදිරියට යෝජිත රාජපක්ෂට නාවික හමුදා කඳවුරකට ඇතුළුවීම ද මින් ඉදිරියට තහනම් වනු ඇති බවද සඳහන් ය.
මේ අතර යෝෂිත රාජපක්ෂ ඇප මත මුදාහැරීමේ අතුරු නියෝගයක් නිකුත් කරන ලෙස කරනු ලැබූ ඉල්ලීම කොළඹ මහාධිකරණය විසින් ප්‍රතික්ෂේප කර තිබේ.
No comments:
Post a Comment